Маҳтумқули кўчаси — бу қайта кўриб чиқишни талаб қиладиган улкан транспорт оқимидир. Биз амалга оширган ечимлар «Аввал ва Ҳозир» форматидаги солиштирувимизда яққол намоён бўлади.

Иккита янги қайрилиб олиш жойи ташкил этилди. Бу автомобилларнинг ортиқча масофа босиб ўтишини қисқартиради ҳамда йирик чорраҳалардаги тирбандликни ўртача 15-20 фоизга камайтиради.

Пиёдалар хавфсизлиги диққат марказида: тартибга солинмаган ўтиш жойлари ўрнида замонавий светофор объекти ишга туширилди. Эндиликда пиёдалар йўлни махсус тартибга солинган ўтиш жойидан хавфсиз кесиб ўтишлари мумкин.

Бу ечимлар йўллардаги хавфни минималлаштириш ҳамда шаҳар бўйлаб ҳаракатланишни ҳар биримиз учун қулай қилишга қаратилган. ЙҲТЭМ шаҳар бўйлаб ҳаракатни тартибли ва барча учун хавфсиз қиладиган ечимларни тизимли равишда жорий этишда давом этади. 🤝