Кеча Ўзбекистон Республикаси Президенти томонидан имзоланган ЎРҚ–1155-сон Қонун коррупцияга қарши курашиш тизимини янада кучайтириш, давлат органлари фаолиятида очиқлик ва шаффофликни таъминлашни назарда тутмоқда.

🛡 Қонуннинг энг муҳим янгиликлари қуйидагилардан иборат:

— Коррупцияга оид жиноят содир этган шахсларнинг электрон реестри юритилади;

— Реестрга киритилган шахслар давлат хизматига қабул қилинмайди, сайланадиган лавозимларга номзод бўла олмайди ҳамда давлат харидларида иштирок этмайди;

— Жиноят кодексида «коррупцияга оид жиноятлар» тушунчасига илк бор ҳуқуқий таъриф берилиб, унга 18 турдаги жиноят киритилди;

— Давлат органларида комплаенс ва коррупцияга қарши ички назорат тизимларининг ҳуқуқий асослари мустаҳкамланди;

— 5 турдаги коррупцион жиноятлар учун муддатидан илгари шартли озод қилиш ёки жазони енгилроғи билан алмаштириш қоидалари қўлланилмайди;

— Коррупцияга қарши курашиш агентлиги томонидан давлат органлари, ҳудудлар ва соҳалар кесимида коррупцион хавф-хатарлар харитаси шакллантирилади.