Kuni kecha O‘zbekiston Respublikasi Prezidenti tomonidan imzolangan O‘RQ–1155-son Qonun korrupsiyaga qarshi kurashish tizimini yanada kuchaytirish, davlat organlari faoliyatida ochiqlik va shaffoflikni ta’minlashni nazarda tutmoqda

🛡Qonunning eng muhim yangiliklari quyidagilardan iborat:

— Korrupsiyaga oid jinoyat sodir etgan shaxslarning elektron reyestri yuritiladi;

— Reyestrga kiritilgan shaxslar davlat xizmatiga qabul qilinmaydi, saylanadigan lavozimlarga nomzod bo‘la olmaydi hamda davlat xaridlarida ishtirok etmaydi;

— Jinoyat kodeksida «korrupsiyaga oid jinoyatlar» tushunchasiga ilk bor huquqiy ta’rif berilib, unga 18 turdagi jinoyat kiritildi;

— Davlat organlarida komplayens va korrupsiyaga qarshi ichki nazorat tizimlarining huquqiy asoslari mustahkamlandi;

— 5 turdagi korrupsion jinoyatlar uchun muddatidan ilgari shartli ozod qilish yoki jazoni yengilrog‘i bilan almashtirish qoidalari qo‘llanilmaydi;

— Korrupsiyaga qarshi kurashish agentligi tomonidan davlat organlari, hududlar va sohalar kesimida korrupsiyaviy xavf-xatarlar xaritasi shakllantiriladi.