Bugun Xalq deputatlari Toshkent shahar Kengashining navbatdagi — yigirmanchi sessiyasi o‘tkazildi. Sessiyada poytaxt hayoti va boshqaruvida dolzarb bo‘lgan masalalar yuzasidan mas’ullar axborot va hisobotlari tinglanib, muhokama qilindi.

Sessiya davomida:

— Toshkent shahar prokuraturasining 2025-yil yakunlari bo‘yicha axboroti;

— Ichki ishlar bosh boshqarmasining jamoat xavfsizligi, huquqbuzarliklar profilaktikasi bo‘yicha hisoboti;

— Soliq boshqarmasining mahalliy byudjet daromadlari va soliq qarzdorligi bo‘yicha ma’lumotlari;

— Adliya boshqarmasining huquqni qo‘llash amaliyoti hamda huquqiy targ‘ibot holati bo‘yicha axboroti;

— Sog‘liqni saqlash bosh boshqarmasining 2025-yildagi ishlari va bolalar saratoniga qarshi milliy strategiya ijrosi bo‘yicha hisobotlari tinglandi. 

Shuningdek, Yangihayot tumanida “Kelajak markazi”ni tashkil etish masalasi muhokama qilindi.

Sessiya yakunida kun tartibidagi masalalar bo‘yicha tegishli qarorlar qabul qilindi, mas’ul xodimlarga aniq vazifalar belgilandi.