Toshkent shahrida 2026-yilda amalga oshiriladigan qurilish loyihalari bo‘yicha talab etiladigan ishchi kuchi hamda bandlik ko‘rsatkichlari to‘g‘risida AXBOROT

Toshkent shahrida 2026-yilda amalga oshiriladigan qurilish loyihalari bo‘yicha hisob-kitob ishlari amalga oshirildi. Bunga asosan poytaxtda 2026-yil davomida amalga oshirilishi rejalashtirilgan barcha turdagi qurilish-obodonlashtirish ishlari, investitsiya va ijtimoiy infratuzilma loyihalari, jumladan:

– ko‘p qavatli turar joylar qurilishi;

– ijtimoiy soha obyektlari (maktabgacha ta’lim muassasalari, umumta’lim maktablari, tibbiyot muassasalari va boshqalar);

– muhandislik-kommunikatsiya tarmoqlari;

– yo‘l-transport infratuzilmasi;

– uy-joy kommunal xo‘jaligi obyektlari bo‘yicha ish hajmlari tahlil qilinib, har bir obyekt kesimida ishchi kuchi ehtiyoji aniqlandi.

2026-yilda Toshkent shahrida: kambag‘allik darajasini 1,7 foizgacha qisqartirish hamda ishsizlik darajasini 3,8 foizgacha tushirish rejalashtirildi.

Toshkent shahrida 2026-yilda amalga oshiriladigan qurilish loyihalari (qurilish sohasida talab) etiladigan ishchi kuchi:

– qurilish sohasida doimiy ish o‘rinlariga joylashtiriladigan fuqarolar soni — 3 694 nafarni;

– qurilish va uy-joy kommunal xo‘jaligi sohasida norasmiy faoliyat yuritayotgan fuqarolarni legallashtirish orqali bandligini ta’minlash — 27 344 nafar fuqaro bandligini ta’minlash rejalashtirildi.

Qurilish loyihalari doirasida quyidagi mutaxassisliklar bo‘yicha ishchi kuchi talab etiladi:

– quruvchilar (g‘isht teruvchi, betonchi, armaturachi);

– pardozlash ishlari ustalari;

– elektr va santexnika mutaxassislari;

– muhandis-texnik xodimlar;

– maxsus texnika haydovchilari;

– kommunal soha ishchilari.

Ishga qabul qilish jarayonlari amaldagi mehnat qonunchiligiga muvofiq, ochiq va shaffof tartibda amalga oshirilishi ma’lum qilinadi.

Ish vaqti: Dushanba – Shanba, 9:00 – 22:00

Ish ham, ishchi ham — barchasi Call-markaz orqali!

(71) 210-04-21