RASMIY MUNOSABAT

Ijtimoiy tarmoq orqali Olmazor tumani “Chig‘atoy” kafesi yaqinida (https://maps.google.com/maps?q=41.392768,69.225457&ll=41.392768,69.225457&z=16) istiqomat qiluvchi fuqarolar tomonidan ushbu hududda har kuni qarovsiz itlar to‘planayotgani, bu esa jamoat xavfsizligiga jiddiy ta’sir ko‘rsatayotgani yuzasidan murojaat kelib tushdi.

Murojaat asosida tuman obodonlashtirish bo‘limi huzuridagi qarovsiz hayvonlarni tutish xizmati tomonidan o‘rganish ishlari olib borildi.

Mazkur hududga mas’ul xodimlar chiqib, qarovsiz itlar to‘dasi tutib olindi hamda ular maxsus saqlash joyiga joylashtirildi.

Holat yuzasidan tegishli choralar ko‘rilganligini ma’lum qilamiz.