Ижтимоий тармоқ орқали Олмазор тумани «Чиғатой» кафеси яқинида истиқомат қилувчи фуқаролар томонидан ушбу ҳудудда ҳар куни қаровсиз итлар тўпланаётгани, бу эса жамоат хавфсизлигига жиддий таъсир кўрсатаётгани юзасидан мурожаат келиб тушди.

Мурожаат асосида туман ободонлаштириш бўлими ҳузуридаги қаровсиз ҳайвонларни тутиш хизмати томонидан ўрганиш ишлари олиб борилди.

Мазкур ҳудудга масъул ходимлар чиқиб, қаровсиз итлар тўдаси тутиб олинди ҳамда улар махсус сақлаш жойига жойлаштирилди.

Ҳолат юзасидан тегишли чоралар кўрилганлигини маълум қиламиз.