Халқ қабулхонасида фуқаролар қабули ўтказилди

2026-йил 23-октябр куни соат 10:00 да Тошкент шаҳар Халқ қабулхонаси биносида шаҳар ҳокимининг уй-жой коммунал хўжалиги масалалари бўйича ўринбосари Обиджон Муминов фуқароларни қабул қилди.

▫️Қабул давомида фуқароларнинг уй-жой ва коммунал хўжалиги, ободонлаштириш, кўп қаватли уйларни сақлаш ва уларга хизмат кўрсатиш, коммунал хизматлар сифати ҳамда бошқа ижтимоий-маиший масалаларга оид мурожаатлари тингланди.

✔️Жами 6 нафар фуқаронинг мурожаати кўриб чиқилди. Уларни ижобий ҳал этиш мақсадида мутасадди ташкилотлар ва масъул ходимларга тегишли топшириқ ҳамда кўрсатмалар берилди. Мурожаатларда кўтарилган масалаларни белгиланган муддатларда ҳал этиш ва натижаси ҳақида фуқароларга маълумот бериш вазифаси юклатилди.

🟢Қабулда мурожаатларни ўз вақтида ва сифатли кўриб чиқиш, фуқароларнинг қонуний ҳуқуқ ва манфаатларини таъминлаш ҳамда топшириқлар ижросини назорат қилишга алоҳида эътибор қаратилди.