Mamlakatimizda moʻtabar ayol zotiga munosib hurmat ehtirom ko‘rsatish, ularning jamiyatimizdagi o‘rni va nufuzini oshirish, sog‘lom va barkamol avlodni voyaga yetkazish, o‘zining iqtidori va ibratli faoliyati bilan yoshlarga o‘rnak bo‘lib kelayotgan qizlarni rag‘batlantirish maqsadida har yili “Zulfiyaxonim qizlari” ko‘rik tanlovi o‘tkaziladi.

 ✔️ Zulfiya nomidagi Davlat mukofotini taʼlim, axborot innovatsiyalari, fan, adabiyot, sanʼat, sport va jamoatchilik faoliyatida alohida yutuqlarga erishgan o‘n to‘rt yoshga to‘lgan va o‘ttiz yoshdan oshmagan qizlarga mukofot berilishi belgilangan. Aynan, joriy yilgi Mirzo Ulug‘bek tumanida iqtidorli qizlarni tanlash va rag‘batlantirish, ularni “Zulfiya” nomidagi Davlat mukofotiga tavsiya etish jarayoni o‘ziga xos va qiziqarli o‘tdi. Unda 15 nafar iqtidorli qizlarimiz ishtirok etishdi.

 ➡️ Tadbir so‘nggida hayʼat aʼzolari tomonidan shartlar asosidagi qizlarning o‘z yo‘nalishlari bo‘yicha chiqishlari va ijodiy ishlari xolis baholandi va g‘oliblar aniqlandi. Tadbirda ishtirok etgan barcha qizlar tuman Oila va xotin-qizlar bo‘limi tomonidan estalik sovg'a va tashakkurnoma bilan taqdirlandilar.