Chilonzor ko‘chalari shahar dizayn kodi asosida yangilanmoqda

Chilonzor tumani hokimi Saidqahhor Xolxo‘jayev tumanning Islom Karimov va Furqat ko‘chalarida bo‘lib, hududlarni poytaxtning yangi dizayn kodi talablariga moslashtirish jarayonini o‘rgandi.

O‘rganishlar davomida asosiy e’tibor quyidagilarga qaratildi:

🔹 Fasadlar va reklama: Turar va noyurar joylarning tashqi qismini yagona dizayn kodi asosida ta’mirlash;

🔹 Zamonaviy yo‘laklar: Piyodalar yo‘laklarini qurishda aholi uchun maksimal qulaylik yaratish;

🔹 Yoritish tizimi: Tungi chiroqlarni yangilash va zamonaviy yoritish uskunalarini o‘rnatish;

🔹 Ekologik muhit: Yashil hududlarni kengaytirish va obodonlashtirish.

Tuman hokimi mas’ullarga ishlarni sifatli bajarish va shahar ko‘rinishini estetik jihatdan tartibga solish bo‘yicha aniq ko‘rsatmalar berdi.