Мамлакатимизда мўтабар аёл зотига муносиб ҳурмат эҳтиром кўрсатиш, уларнинг жамиятимиздаги ўрни ва нуфузини ошириш, соғлом ва баркамол авлодни вояга етказиш, ўзининг иқтидори ва ибратли фаолияти билан ёшларга ўрнак бўлиб келаётган қизларни рағбатлантириш мақсадида ҳар йили “Зулфияхоним қизлари” кўрик танлови ўтказилади. 

✔️ Зулфия номидаги Давлат мукофотини таълим, ахборот инновациялари, фан, адабиёт, санъат, спорт ва жамоатчилик фаолиятида алоҳида ютуқларга эришган ўн тўрт ёшга тўлган ва ўттиз ёшдан ошмаган қизларга мукофот берилиши белгиланган. Айниқса, жорий йилги Мирзо Улуғбек туманида иқтидорли қизларни танлаш ва рағбатлантириш, уларни “Зулфия” номидаги Давлат мукофотига тавсия этиш жараёни ўзига хос ва қизиқарли ўтди. Унда 15 нафар иқтидорли қизларимиз иштирок этишди. 

➡️ Тадбир сўнггида ҳайъат аъзолари томонидан шартлар асосидаги қизларнинг ўз йўналишлари бўйича чиқишлари ва ижодий ишлари холис баҳоланди ва ғолиблар аниқланди. Тадбирда иштирок этган барча қизлар туман Оила ва хотин-қизлар бўлими томонидан эсдалик совға ва ташаккурнома билан тақдирландилар.