Қисқа вақт ичида кўп ва узоқ давом этган ёғингарчилик туфайли, шаҳарнинг айрим ҳудудларида вақтинчалик сув тўпланишлари кузатилмоқда. Ёғингарчилик миқдори ўртача кўрсатгичлардан анча юқори бўлгани сабабли, ёмғир канализацияси ва оқова сув тизимларига жиддий юклама тушмоқда.

Барча тегишли шаҳар хизматлари кучайтирилган иш режимига ўтказилган бўлиб, кечаю кундуз фаолият кўрсатмоқда. Ёмғир қабул қилувчи қудуқлар, ариқ тармоқлари ва коллекторлар сув ўтишини қийинлаштирадиган чўкиндилар ва маиший чиқиндилардан тезкор тозаланмоқда. Махсус техникаси жалб этилган ҳолда, муаммоли ҳудудлар доимий назорат қилинмоқда, фуқароларнинг мурожаатлари биринчи навбатда кўриб чиқилмоқда.

Қўшимча равишда таъкидлаймизки, ёмғир канализация тизимининг қаттиқ маиший чиқиндилар билан ифлосланиши сувнинг оқиб кетишини жиддий қийинлаштиради ва маҳаллий сув тўпланишларига сабаб бўлади. Аҳолидан ободонлаштириш қоидаларига риоя қилишларини ва чиқиндиларни сув оқаава каналларига ташламасликларини илтимос қиламиз.

Сув тўпланиши ёки бошқа фавқулодда вазиятлар аниқланган тақдирда қуйидаги манзилларга зудлик билан хабар беришингизни сўраймиз: — «Халқ назорати» портали орқали; — ҳокимиятнинг расмий Telegram-ботига; — қуйидаги телефон рақамлари орқали: 112, 1055, (71) 212-69-80, (71) 212-69-82.

Ҳар бир мурожаат назоратга олиниб, дарҳол тегишли хизматларга чора кўриш учун йўналтирилади.