Qisqa vaqt ichida ko‘p va uzoq davom etgan yog‘ingarchilik tufayli, shaharning ayrim hududlarida vaqtinchalik suv to‘planishlari kuzatilmoqda. Yog‘ingarchilik miqdori o‘rtacha ko‘rsatkichlardan ancha yuqori bo‘lgani sababli, yomg‘ir kanalizatsiyasi va oqova suv tizimlariga jiddiy yuklama tushmoqda.

Barcha tegishli shahar xizmatlari kuchaytirilgan ish rejimiga o‘tkazilgan bo‘lib, kechayu kunduz faoliyat ko‘rsatmoqda. Yomg‘ir qabul qiluvchi quduqlar, ariq tarmoqlari va kollektorlar suv o‘tishini qiyinlashtiradigan cho‘kindilar va maishiy chiqindilardan tezkor tozalanmoqda. Maxsus texnikalar jalb etilgan holda, muammoli hududlar doimiy nazorat qilinmoqda, fuqarolarning murojaatlari birinchi navbatda ko‘rib chiqilmoqda.

Qo‘shimcha ravishda ta’kidlaymizki, yomg‘ir kanalizatsiya tizimining qattiq maishiy chiqindilar bilan ifloslanishi suvning oqib ketishini jiddiy qiyinlashtiradi va mahalliy suv to’planishlariga sabab bo‘ladi. Aholidan obodonlashtirish qoidalariga rioya qilishlarini va chiqindilarni suv oqava kanallariga tashlamasliklarini iltimos qilamiz.

Suv to‘planishi yoki boshqa favqulodda vaziyatlar aniqlangan taqdirda quyidagi manzillarga zudlik bilan xabar berishingizni so‘raymiz:

— "Xalq nazorati" portali orqali;

— hokimiyatning rasmiy Telegram-botiga;

— quyidagi telefon raqamlari orqali: 112, 1055, (71) 212-69-80, (71) 212-69-82.

Har bir murojaat nazoratga olinib, darhol tegishli xizmatlarga chora ko‘rish uchun yo‘naltiriladi.