📍Маълумки, совуқ тушиши билан Тошкентда ҳаво сифати сезиларли даражада ёмонлашади. Бу асосан Тошкент шаҳри ва пойтахтга бевосита яқин жойлашган Тошкент вилояти ҳудудидаги иссиқхона хўжаликлари фаолияти туфайли юз беради.

🛡Шу муносабат билан Республика Бош прокурори ўринбосари Ш. Тўхтабоев раҳбарлигидаги ишчи гуруҳ экология хизмати, ҳокимлик, санитария хизмати ва ФВВ вакиллари иштирокида Тошкент шаҳри ва Тошкент вилоятида, жумладан Зангиота туманида экологик рейдлар ўтказиб, иссиқхона хўжаликлари фаолиятини текширмоқда.

🇺🇿Та’кидлаш жоизки, ўтган йили ҳам Тошкент шаҳар ҳокимлиги ташаббуси билан шундай тадбирлар ўтказилиб, пойтахт ҳудудида жойлашган бир қатор иссиқхона хўжаликларининг ноқонуний фаолияти тўхтатилган эди.

💭Рейдлар атмосфера ҳавосини ифлослантирувчи манбаларни аниқлаш, экологик ва санитария меъёрларига риоя этилишини таъминлаш, қоидабузарларга нисбатан чоралар кўриш, шунингдек, бундай ҳолатларнинг такрорланишига йўл қўймаслик ҳамда пойтахт ва Тошкент вилоятида экологик вазиятни яхшилашга қаратилган.