📍Ma’lumki, sovuq tushishi bilan Toshkentda havo sifati sezilarli darajada yomonlashadi. Bu asosan Toshkent shahri va poytaxtga bevosita yaqin joylashgan Toshkent viloyati hududidagi issiqxona xo‘jaliklari faoliyati tufayli yuz beradi.

🛡Shu munosabat bilan Respublika Bosh prokurori o‘rinbosari Sh. To‘xtaboyev rahbarligidagi ishchi guruh ekologiya xizmati, hokimlik, sanitariya xizmati va FVV vakillari ishtirokida Toshkent shahri va Toshkent viloyatida, jumladan Zangiota tumanida ekologik reydlar o‘tkazib, issiqxona xo‘jaliklari faoliyatini tekshirmoqda.

🇺🇿Ta’kidlash joizki, o‘tgan yili ham Toshkent shahar hokimligi tashabbusi bilan shunday tadbirlar o‘tkazilib, poytaxt hududida joylashgan bir qator issiqxona xo‘jaliklarining noqonuniy faoliyati to‘xtatilgan edi.

💭Reydlar atmosfera havosini ifloslantiruvchi manbalarni aniqlash, ekologik va sanitariya me’yorlariga rioya etilishini ta’minlash, qoidabuzarlarga nisbatan choralar ko‘rish, shuningdek, bunday holatlarning takrorlanishiga yo‘l qo‘ymaslik hamda poytaxt va Toshkent viloyatida ekologik vaziyatni yaxshilashga qaratilgan.