Toshkent shahar hokimligi rahbarligi va homiyligida poytaxtimiz hududidagi tarixiy va zamonaviy joy nomlarini ilmiy asosda jamlagan “Toshkent shahri joy nomlarining izohli lug‘ati” kitobi taqdimoti bo‘lib o‘tdi.

 🔵Taqdimot davomida tarix fanlari doktori, professor Omonullo Bo‘riyev hamda tarix fanlari doktori Xayriya Bo'riyeva hamda boshqa ishtirokchilar tomonidan mazkur nashrning ilmiy-amaliy ahamiyati, toponimika sohasidagi o‘rni va poytaxt joy nomlarini tizimli o‘rganishdagi ahamiyati yuzasidan ma’ruzalar qilindi.

 🇺🇿Mazkur izohli lug‘at Toshkent shahrining boy tarixiy merosi va bugungi zamonaviy qiyofasini aks ettirgan bo‘lib, u ikki qismdan — “Tarixiy Toshkent” va “Zamonaviy Toshkent” bo‘limlaridan iborat. Unda ariqlar va kanallar, daha va darvozalar, tumanlar, mahallalar, metro bekatlari, qabriston va ziyoratgohlar kabi joy nomlarining ilmiy va xalqona talqinlari keltirilgan.

 🧑‍💻 Taqdimot yakunida mazkur nashrni tayyorlashda xizmat qilgan muharrir va tuzuvchilarga Toshkent shahar hokimi nomidan tashakkurnomalar topshirildi.