Poytaxtda havo ifloslanishini kamaytirish, changlanishni pasaytirish va aholi salomatligini himoya qilish maqsadida kompleks chora-tadbirlar kunu-tun davom etmoqda. 

2025-yil 25-noyabr kuni quyidagi ishlar bajarildi:

— shahar hududidagi 58 ta favvora ishga tushirildi;

— 71 ta maxsus suv sepish texnikasi jalb etildi;

— 177 ta  ko‘chalardagi (444 km), shu jumladan, yo‘l yoqalaridagi daraxt va butalar yuvildi;

— 890 ta qurilish obyektida ishlar to‘xtatildi;

— 241 ta qurilish obyektida maxsus 48 ta texnika yordamida suv purkash va changni bostirish ishlari olib borildi;

— 11 ta hududdagi ko‘cha va xiyobonlar atrofidagi sun’iy sug‘orish tarmoqlari ishga tushirildi;

— poytaxt hududidan o'tgan kanal va ariqlar atrofida joylashgan 5 ta favvora ishga tushirildi;

— 108 ta maktab, 81 ta maktabgacha ta'lim tashkilotlarida sug'orish tizimlari ishga tushirildi;

— 19 ta bozor va yirik savdo komplekslari atrofidagi 2 ta favvora va 1 ta suv saqlash hovuzi ishga tushirildi;

— 37 ta suv sepish texnikasi yordamida bozorlar hududlari, ulardagi 2 000 ta mevali va manzarali daraxt, 45 000 m² tom va boshqa konstruksiyalar yuvildi, shuningdek, 17 000 metr irrigatsiya tarmoqlari (ariqlar) tozalandi.

 Tijorat banklari tomonidan 72 ta filial va 337 ta bank xizmatlari markazlarining oldidagi favvoralar va sug‘orish tizimlari to‘liq ishga tushirilib, ularning atroflaridagi daraxtlar suv bilan yuvilib, changdan tozalandi.

Boshqaruv servis kompaniyalari tomonidan 11 594 ta ko‘p kvartirali uylarning 43 420 ta kirish yo‘lagidan 3 364 tasi, shuningdek, 150 000 m² hudud tozalandi. Uylar atrofiga tutash hududlardagi 136 478 ta daraxtdan 20 727 tasi yuvilib, 15 916 tasi sug‘orildi.