🪧O'zbekiston Respublikasi hududida reklama joylashtirish va tarqatish O‘zbekiston Respublikasining “Reklama to‘g‘risida”gi  Qonuni hamda Vazirlar Mahkamasining “Tashqi reklama bozorini tartibga solish to‘g‘risida”gi  qarorlari bilan tartibga solinadi.

🔵Mazkur huquq me'yorlariga ko'ra, avtomobilga reklama o‘rnatish uchun ruxsatnoma (reklama joyining pasporti) olish majburiydir.

🖥 Bugungi kunda ushbu xizmatdan qulay tarzda my.gov.uz yagona interaktiv davlat xizmatlari portali orqali onlayn ravishda foydalanish mumkin. 

🖥 Xizmatdan foydalanish uchun my.gov.uz portaliga kirgan holda "Avtotransport vositasi uchun reklama joyi pasportini rasmiylashtirish" bo‘limini tanlang va so‘ralgan ma’lumotlarni kiriting. Ariza 5 ish kuni ichida ko'rib chiqiladi.

❕ Muhim eslatma:

Reklama mazmuni “Reklama to‘g‘risida”gi Qonun talablariga mos bo‘lishi, yo‘l harakati xavfsizligiga to‘sqinlik qilmasligi hamda davlat tilida taqdim etilishi lozim.

📝 Reklama joyi pasporti tegishli tashkilotlarning ijobiy xulosasi olingach, yillik yig‘im to‘lanishi orqali rasmiylashtiriladi.

❗️Esda tuting! Ruxsatnomasiz reklama joylashtirish qonun buzilishi hisoblanadi va amaldagi qonun hujjatlariga ko'ra malakalanadi.