- Тошкентдан гапирамиз
- 28.04.2026, 10:48
🔘 Бугун Учтепа тумани «Заргарлик» маҳалласида 1966 йилдан буён фаолият юритиб келаётган 334-сонли давлат мактабгача таълим муассасаси кенг кўламли реконструкция ишларидан сўнг фойдаланишга топширилди.
Тантанали очилиш маросимида Учтепа туман ҳокими Б. Мамаджанов ҳамда Тошкент шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Д. Раҳимова иштирок этиб, янгиланган муассаса шароитлари билан танишдилар.
🔵 Маросимда сўзга чиққан Учтепа туман ҳокими Б. Мамаджанов: «Бугунги кунда мактабгача таълим тизимига берилаётган эътибор натижасида болаларимиз учун замонавий ва хавфсиз муҳит яратилмоқда. Бу каби янгиланишлар ёш авлод келажаги учун муҳим аҳамиятга эга», — дея таъкидлади.
Д. Раҳимова эса ўз нутқида: «Болалар учун яратилган бу каби шароитлар уларнинг ҳар томонлама ривожланишига хизмат қилади. Маҳаллалардаги таълим муассасаларини модернизация қилиш ишлари изчил давом этади», — деб қайд этди.
Ҳозирда муассаса 390 нафар болажонни қамраб олиб, улар учун замонавий, қулай ва хавфсиз таълим-тарбия шароитлари яратилди.
Эслатиб ўтамиз, реконструкция ишлари 2025 йилда бошланган бўлиб, бугунги кунда тўлиқ якунланиб, муассаса янгиланган қиёфада фаолиятини давом эттирмоқда.
TTЗ-2 мавзесида кенгайтирилган перронга эга янги бекат иш бошламоқда. Эндиликда бу ерда ҳатто тиғиз вақтларда ҳам кенгли...
Тошкент шаҳрида хотин-қизларни оммавий спортга кенг жалб этиш, соғлом турмуш тарзини тарғиб қилиш ҳамда уларнинг ижтимои...
Бир оқшомга шаҳар катта очиқ саҳнага айланади: бир вақтнинг ўзида бир неча нуқтада сув, ёруғлик, мусиқа ва жонли ижролар...
Дусмухамедов Алишер Исматиллаевич Тошкент шаҳар ҳокимининг ахборот технологияларини жорий этиш бўйича ўринбосари — Рақам...