Eslatib o‘tamiz, 2025-yil oxirida «Toshkent shahri joy nomlarining izohli lugʻati» kitobining taqdimoti bo‘lib o‘tdi, unda poytaxtimiz hududidagi tarixiy va zamonaviy joy nomlari ilmiy asosda jamlangan.

Ushbu izohli lug‘at Toshkentning boy tarixiy merosi va zamonaviy qiyofasini aks ettiradi hamda ikki qismdan iborat — «Tarixiy Toshkent» va «Zamonaviy Toshkent». Unda ariqlar va kanallar, daha va darvozalar, tumanlar, mahallalar, metro bekatlari, qabriston va ziyoratgohlar kabi joy nomlarining ilmiy va xalqona talqinlari keltirilgan.

Xabar qilamizki, «Toshkent shahri joy nomlarining izohli lugʻati» barcha istaganlar uchun internetda yuklab olish uchun joylashtirildi, kitobni PDF formatida quyidagi havola orqali yuklab olish mumkin.

Kitob rus va ingliz tillariga tarjima qilingandan so‘ng, ular ham internetda chop etiladi.