- Toshkentdan gapiramiz
- 19.11.2025, 10:39
Toshkent shahridagi bozorlar hududida videotasvirga olishning yangi qoidalari bo‘yicha tushuntirish
Toshkent shahridagi bozorlar hududida videotasvirga olishning yangi qoidalari bo‘yicha tushuntirish
Ijtimoiy tarmoqlarda bozor va savdo majmualari hududida tijorat maqsadida videotasvirga olish uchun to‘lovlarni belgilash bo‘yicha noto‘g‘ri talqinlar paydo bo‘ldi. Ba’zi kuzatuvchilar buni "oddiy xaridorlar uchun jarimalar" yoki “hokimlik uchun qo‘shimcha daromad” deb noto‘g‘ri tushundilar. Bu haqiqatga to‘g‘ri kelmaydi.
⚠️Asosiy jihatlarni aniqlashtirish muhim.
✅1. Yangi qoidalar oddiy tashrif buyuruvchilarga tegishli emas
🔵Xaridlaringizni telefonga suratga olish, oila bilan rasmga tushish, shaxsiy blog yoki storislar yuritish – bepul va ruxsat etilgan.
🔵Sayyohlar, maktab o‘quvchilari, talabalar, rasmiy OAV jurnalistlariga hech qanday cheklovlar qo‘llanilmaydi.
🔵Qoidalar faqat tijorat maqsadidagi suratga olishga, ya’ni pul ishlab, daromad olish uchun mo‘ljallangan videotasvirlarni olishga taalluqli.
✅2. To‘lov faqat kontentdan daromad oladigan professionallarga tegishli
Bu quyidagilarga taalluqli:
🔵muntazam ravishda reklama, integratsiya va “prosmotr”lardan pul topadigan yirik blogerlar va inflyuenserlar;
🔵kliplar, reklama roliklari, hujjatli loyihalar, seriallar yoki filmlar suratga oladigan tijorat studiyalari va media ishlab chiqarish guruhlari;
🔵o‘z tovarlari va xizmatlarini targ‘ib qilish uchun bozor hududidan foydalanadigan kompaniyalar.
Bu – keng tarqalgan xalqaro amaliyot.
Dunyoning barcha yirik shaharlarida – Istanbuldan tortib Parijgacha – tijorat maqsadidagi suratga olish uchun pul to‘lanadi, chunki bu:
🔵hududni egallaydi, odamlarning harakatlanishiga xalaqit beradi;
🔵sotuvchi va xaridorlarga noqulaylik tug‘diradi;
🔵qo‘shimcha nazorat, kuzatuv va xavfsizlikni ta’minlashni talab qiladi.
✅3. Bozorlar nafaqat savdo maskani, balki infratuzilma hamdir
Professional jamoalar shtativlar, chiroqlar, uskunalar, massovka va aktyorlar bilan kelganda– bu maishiy tasvirga olish emas, balki ishlab chiqarish jarayonidir.
Bu quyidagilarga yuklama yaratadi:
🔵o‘tish yo‘laklari, avtoturargoh va boshqa infratuzilmaga;
🔵tartibni ta’minlashga mas’ul bo‘lgan bozor ma’muriyatiga;
🔵kameralar va suratga olish guruhlari tufayli faoliyati sekinlashayotgan sotuvchilarga;
🔵tashrif buyuruvchilar oqimining xavfsizligiga.
To‘lov aynan shunday xarajatlarni qoplash uchun joriy etilgan.
✅4. Tijorat maqsadidagi suratga olish uchun to‘lovlar rasmiy, shaffof tarzda yig‘iladi va infratuzilmani rivojlantirishga yo‘naltiriladi
Mablag‘lar quyidagilarga sarflanadi:
🔵hududlarni obodonlashtirish;
🔵sanitariya va xavfsizlikni ta’minlash;
🔵piyodalar yo‘laklari va o‘tish joylarini yaxshilash;
🔵kuzatuv va yoritish tizimlariga xizmat ko‘rsatish.
Bu yerda hech qanday "shaxsiy manfaatlar" yoki "cho‘ntak sxemalari" yo‘q va bo‘lishi ham mumkin emas.
✅5. Bu nima uchun aynan hozir joriy qilinmoqda?
Chunki:
🔵so‘nggi yillarda tijorat maqsadidagi suratga olish sezilarli darajada ko‘paydi;
🔵blogerlar va tijorat kanallari bozorlardan yuklamani qoplamagan holda pul ishlash joyi sifatida foydalanmoqda;
🔵sotuvchilarning faoliyatiga xalaqit beruvchi tasvirga olishlar haqidagi shikoyatlari ko‘paydi;
🔵yagona, tushunarli tartib o‘rnatish zarur.
❗️Muhim!
Bu chora odamlarga qarshi emas, aksincha –– quyidagilar manfaatlarini himoya qilishga qaratilgan:
🔵xaridor,
🔵sotuvchi,
🔵bozorlar infratuzilmasining o‘zi.
❕Oddiy tashrif buyuruvchilar uchun o‘zgarishlardan qo‘rqadigan hech bir jihat yo‘q.
To‘lov faqat bozorni tijorat kontenti uchun daromad manbai sifatida ishlatadiganlarga tegishli.
💬Bu masalaga e’tibor qaratgan aholidan minnatdormiz. OAV vakillari, blogerlar va faol fuqarolik pozitsiyasiga ega boshqa fuqarolarga eslatib o‘tamizki, biz muloqotga ochiqmiz va barcha mayda jihatlarni rasmiy kanallar orqali batafsil tushuntirishga tayyormiz.
Bugun «O‘zbekiston Respublikasining Davlat bayrog...
Davlatimiz Bayrog‘i milliy o‘zligimiz timsoli, yurtimiz nomi, shonini dunyo uzra tanituvchi asosiy ramzlarimizdan biridi...
Bir kelib-keting, Toshkentimizga!
Bir kelib-keting, Toshkentimizga!
Bir guruh tibbiyot xodimlari taqdirlandi
Bir guruh tibbiyot xodimlari taqdirlandiToshkent shahar hokimligida Prezidentimiz tomonidan taqdirlangan 24 nafar tibbiy...
🅰Ekologik reydlar: Bosh prokuror o‘rinbosari rahb...
📍Ma’lumki, sovuq tushishi bilan Toshkentda havo sifati sezilarli darajada yomonlashadi. Bu asosan Toshkent shahri va ...