Aholi va tadbirkorlar huquqlariga rioya etish haqida

🏙 Qulay shahar barpo etish — hokimlikning asosiy vazifalaridan biri. Biz shahar muhiti aholi uchun qulay bo‘lishi, tadbirkorlar esa belgilangan talablarga rioya etgan va hamshaharlar huquqlarini hurmat qilgan holda o‘z ishini rivojlantira olishi uchun intilamiz.

🚶 Piyodalarning qulayligi va xavfsizligi shahar muhitini tashkil etishdagi ustuvor yo‘nalishlardan biridir. Jamoat joylari aholi uchun ochiq bo‘lib qolishi shart.

✔️Mirobod tumanidagi “Moviy gumbazlar” xiyobonida yozgi maydonchaning joylashtirilishi muhokamalarga sabab bo‘lgani munosabati bilan hududdan foydalanish talablariga rioya etilishi, xususan, piyodalarning erkin harakatlanishi ta’minlangani yuzasidan tekshiruv o‘tkazildi. Tekshiruv yakunlariga ko‘ra qoidabuzarliklar aniqlanib, tegishli choralar ko‘rildi. Hudud qonunchilik talablariga muvofiq holga keltirildi.

▫️Aholi va tadbirkorlarning huquqlari ta’minlanishi shart. Barchani o‘zaro hurmat ko‘rsatishga, belgilangan qoidalarga amal qilishga hamda bahsli masalalarni odob doirasida hal etishga chaqiramiz.