✔️Фуқаролар мурожаатлари жойида ўрганилди

Тошкент шаҳар ҳокимининг биринчи ўринбосари Бахтиёр Раҳмонов Ўзбекистон Республикаси Президентининг Тошкент шаҳридаги Халқ қабулхонасида фуқароларни шахсий қабул қилди.

✅ Қабул давомида 8 нафар фуқаронинг мурожаати тингланди. Улар орасида ноқонуний қурилмаларни қонуний тартибда расмийлаштириш, бузилиш ҳудудларига оид масалалар ҳамда бошқа ижтимоий-маиший муаммолар бўйича мурожаатлар бўлди.

▫️Ҳар бир мурожаат бўйича масалани чуқур ўрганиш ва амалий ечим топишга эътибор қаратилди. Қўшимча ўрганишни талаб қиладиган мурожаатлар юзасидан масъулларга жойига чиқиб, вазиятни фуқаролар иштирокида батафсил ўрганиш ҳамда қонунчилик доирасида тегишли таклифлар киритиш топширилди.

🛡Мурожаатларнинг кўриб чиқилиши ва топшириқлар ижроси назоратга олинди.