Халқ депутатлари Тошкент шаҳар Кенгашининг йигирма олтинчи сессияси бўлиб ўтди

▫️Сессияда пойтахтни 2030-йилгача ривожлантириш стратегияси муҳокама қилинди. Ушбу масала юзасидан Ўзбекистон Республикаси Президенти ҳузуридаги Стратегик ривожланиш ва ислоҳотлар агентлиги директорининг биринчи ўринбосари Абдулла Абдуқадиров ахборот берди.

Шунингдек, Тошкент шаҳар ҳокими ўринбосари Алишер Дусмухамедов «Халқ назорати» платформаси орқали келиб тушган хабарларнинг кўриб чиқилиши юзасидан ҳисобот берди.

⛽️ Сессияда коммунал таъминот ва куз-қиш мавсумига тайёргарлик, гастрономик ва туризм кўчалари, хотин-қизларни қўллаб-қувватлаш, жамоат хавфсизлиги, инвестиция лойиҳалари, инсон ҳуқуқларини ҳимоя қилиш ҳамда ер участкалари ва уларда қурилган объектларга бўлган ҳуқуқларни эътироф этиш масалалари ҳам кўриб чиқилди.

✔️Якунида тегишли қарорлар қабул қилиниб, масъулларга топшириқлар берилди.