Олмазор тумани кўчалари номини ўзгартириш бўйича жамоатчилик овоз бериши

Ҳурматли фуқаролар!

Олмазор туманидаги номсиз кўчаларни номлаш ҳамда амалдаги номи такрор кўчаларни қайта номлаш учун овоз беришда иштирок этинг!

Географик объектларни номлаш ва қайта номлаш масалалари бўйича Тошкент шаҳар комиссиясига Олмазор тумани ҳокимлигининг туман ҳудудидаги номсиз кўчаларни номлаш ҳамда амалдаги айрим кўчаларни қайта номлаш бўйича таклифлари келиб тушган.

Тошкент шаҳар ҳокимлиги “Географик объектларнинг номлари тўғрисида”ги Ўзбекистон Республикаси Қонунининг 4-1-моддасига мувофиқ, маҳаллий аҳолининг фикрини ўрганиш мақсадида пойтахт аҳолисини Олмазор туманидаги номсиз кўчаларни номлаш ҳамда амалдаги айрим кўчаларни қайта номлаш юзасидан ўз фикрини https://geonom.tashkent.uz сайтида овоз бериш йўли билан билдиришга таклиф этади.

Шу билан бирга, аҳоли фикри қуйидаги шаклларда ҳам қабул қилинади:

Оғзаки равишда: +998-71-210-04-13 телефон рақамига (иш кунлари соат 09:00-дан 17:00-гача) мурожаат қилиш орқали;

Ёзма: 100060, Тошкент шаҳар, Чилонзор тумани, Ислом Каримов кўчаси, 51-уй почта манзилига хат юбориш орқали;

Электрон шаклда: geonom@digitaltashkent.uz электрон почтасига хат юбориш йўли билан.

Маҳаллий аҳоли овоз бериш жараёнида жорий йилнинг 21 апрель кунидан 5 май кунига қадар қатнашиши мумкин.