Toshkent shahar hokimligida ish yuritish, ijro intizomi va aholidan kelib tushayotgan murojaatlarning yanvar oyi holati

Ijro intizomini taʼminlash bo‘yicha joriy yil yanvar oyida Davlatimiz rahbarining 349 ta topshirig‘i ijrosi belgilangan.

Shundan, shahar asosiy ijrochi bo‘lgan 269 ta topshiriqdan bugungi kunda 212 tasi bajarilgan, yaʼni ko‘rsatkich
78,8 foizni tashkil etmoqda.

Yanvar oyida 17 ta topshiriq muddati o‘tib ketgan holda nazoratdan olinmagan.

Ushbu topshiriqlar majmualar kesimida quyidagicha:

Qurilish–27 ta, Moliya-iqtisod–19 ta, Diniy 2 ta, Ijtimoiy va IT–1 tadan.

Prezident Administratsiyasi rahbarining farmoyish, bayon va rezolyutsiyalaridagi 17 ta topshiriqdan yanvar oyi holatiga 8 tasi bajarilgan, ko‘rsatkich – 47,5 foiz.

O‘tgan oylardan qolgan 1 ta va yanvar oyida bajarilmay kelayotgan 8 ta, jami 9 ta topshiriq mavjud

Qurilish 4 ta, Moliya-iqtisod 3 ta, Investitsiya va Transport majmualarida 1 tadan topshiriqlar qolgan

Hukumat qarorlaridagi 10 ta topshiriqdan 8 tasi bajarilgan, 3 tasi (2 tasi yanvar, 1 ta o‘tgan oylardan qolgan)ning ijrosi taʼminlanmagan.

“edo.ijro.uz” tizimida jami bajarilmagan topshiriqlar majmualar kesimida:

Qurilish majmuasida 821 ta topshiriq ijrosi taʼminlanmagan.

Maʼlumot uchun, 27 ta Prezident, 5 ta Prezident Administratsiyasi, 23 ta Vazirlar Mahkamasi, 7 ta Hukumat komissiyasining topshiriqlari ijrosi taʼminlanmagan, 3 ta “loyiha.adliya.uz” platformasi orqali kelgan hujjatlar o‘z vaqtida kelishib berilmagan.

Ichki hujjatlar bo‘yicha

198 ta hokim qarori bandlari, shahar hokimi raisligida o‘tkazgan yig‘ilish bayonidagi 45 ta bandlari ijrosi yuzasidan maʼlumotlar tizimga yuklanmagan. 33 ta turli tashkilot va idoralardan kelgan xatlarga javob xati yuborilmagan. Prezident topshirig‘i bo‘yicha shahar hokimining 480 ta nazorat rejasi ijrosi bo‘yicha javoblar kiritilmagan.  

Moliya-iqtisod majmuasida – 229 ta,

Maʼlumot uchun, 19 ta Prezident, 5 ta Prezident Administratsiyasi, 45 ta Vazirlar Mahkamasi topshiriqlari ijrosi taʼminlanmagan. 4 ta “loyiha.adliya.uz” platformasi orqali kelgan hujjatlar o‘z vaqtida kelishib berilmagan.

Ichki hujjatlar bo‘yicha

23 ta hokim qarori bandlari ijrosi yuzasidan maʼlumotlar tizimga yuklanmagan. 17 ta turli tashkilot va idoralardan kelgan xatlarga javob xati yuborilmagan. Prezident topshirig‘i bo‘yicha shahar hokimining 106 ta nazorat rejasi ijrosi bo‘yicha javoblar kiritilmagan. 10 ta hujjatga hokim qarori ishlab chiqilmagan.

Investitsiya majmuasida – 65 ta,

Maʼlumot uchun, 1 ta Prezident, 7 ta Prezident Administratsiyasi, 9 ta Vazirlar Mahkamasi, 30 ta Hukumat komissiyasining topshiriqlari ijrosi taʼminlanmagan.

Ichki hujjatlar bo‘yicha

2 ta turli tashkilot va idoralardan kelgan xatlarga javob xati yuborilmagan. Prezident topshirig‘i bo‘yicha shahar hokimining 16 ta nazorat rejasi ijrosi bo‘yicha javoblar kiritilmagan.

Ijtimoiy majmuasida – 293 ta,

Maʼlumot uchun, 1 ta Prezident, 1 ta Vazirlar Mahkamasi topshiriqlari ijrosi taʼminlanmagan.

Ichki hujjatlar bo‘yicha

10 ta turli tashkilot va idoralardan kelgan xatlarga javob xati yuborilmagan. 55 ta hokim qarori bandlari, shahar hokimi raisligida o‘tkazgan yig‘ilish bayonidagi 2 ta bandlari ijrosi yuzasidan maʼlumotlar tizimga yuklanmagan. Prezident topshirig‘i bo‘yicha shahar hokimining 223 ta nazorat rejasi ijrosi bo‘yicha javoblar kiritilmagan. 1 ta hujjatga hokim qarori ishlab chiqilmagan.

IT majmuasida – 128 ta.

Maʼlumot uchun, 1 ta Prezident, 1 ta Prezident Administratsiyasi, 4 ta Vazirlar Mahkamasi topshiriqlari ijrosi taʼminlanmagan.

Ichki hujjatlar bo‘yicha

9 ta turli tashkilot va idoralardan kelgan xatlarga javob xati yuborilmagan. Shahar hokimi raisligida o‘tkazilgan yig‘ilish bayonidagi 2 ta bandlari ijrosi yuzasidan maʼlumotlar tizimga yuklanmagan. Prezident topshirig‘i bo‘yicha shahar hokimining 111 ta nazorat rejasi ijrosi bo‘yicha javoblar kiritilmagan.

Diniy majmuada – 3 ta.

Maʼlumot uchun, 2 ta Prezident topshiriqlari ijrosi taʼminlanmagan. 1 ta “loyiha.adliya.uz” platformasi orqali kelgan hujjat o‘z vaqtida kelishib berilmagan.