Nazokat-avtomobil ustasi 

Nazokat Shukurova — poytaxtdagi sanoqli ayol avtomobil ustalaridan biri. Turmush o‘rtog‘ini yo‘qotganidan so‘ng ikki yil davomida og‘ir depressiyani boshidan kechirgan bu ayol bir kuni o‘z taqdirini qo‘liga oldi. Orzularini qog‘ozda emas, hayotda ro‘yobga chiqarishga bel bog‘ladi.

Mahalla ko‘magi, “Ayollar daftari”, imtiyozlar va, eng muhimi, o‘z kuchiga ishonchi tufayli u avtoxizmat markazi ochish orzusini amalga oshirmoqda.

Bugun Nazokat nafaqat avtomobil tuzatmoqda, balki shogirdlarga ustozlik qilayotgan inson sifatida ham tanilmoqda. Uning orzusidagi avtoustaxona hozircha qurilyapti. Ammo u bu joyni faqat servis emas — ayollar uchun yangi imkoniyatlar markaziga aylantirish niyatida.

Kuchli ayolning haqiqiy hayot hikoyasini tomosha qiling.