RASMIY MUNOSABAT

17-aprel kuni Yashnobod tumani hokimligi, Toshkent shahar Ekologiya, atrof-muhitni muhofaza qilish va iqlim o‘zgarishi masalalari bo‘yicha bosh boshqarma rahbari hamda Toshkent Botanika bog‘i dendrologi Atirgul Xolmirzayeva bilan birgalikda Sodiq Azimov ko‘chasidagi daraxtlardan biri - oddiy eman (Quercus robur L.) tekshirildi.

Tahlil jarayonida mutaxassislar ko‘p yillik daraxtning holatini har tomonlama o‘rgandilar. Natijada, biologik va jismoniy eskirishning aniq belgilari aniqlandi: daraxt shox-shabbasi sanitar kesish o‘tkazilganiga qaramay, inshoot tomi tomonga xavfli darajada egilgan, yuqori shoxlar elektr uzatish liniyasining ishlashiga xavf tug‘dirishda davom etmoqda, shox-shabbaning katta qismi qurib qolgan, tanasida kovaklar, yoriqlar va zararkunandalar keltirib chiqargan jiddiy shikastlanishlar mavjud.

Fuqarolarning hayoti va sog‘lig‘iga haqiqiy xavfni, shuningdek, noqulay ob-havo sharoitida mol-mulkka zarar yetkazish ehtimolini hisobga olgan holda, ekspert xulosasi asosida avariya holatidagi daraxtni sanitar kesish to‘g‘risida qaror qabul qilindi.

Kompensatsiya tadbirlari doirasida ushbu hududga yoshi kamida besh yil bo‘lgan 10 tup eman ko‘chati ekilmoqda. Bu ekologik muvozanatni saqlash va shahar muhitini ko‘kalamzorlashtirish bo‘yicha rejali ishlarni davom ettirish imkonini beradi.

Toshkent shahar va tumanlar hokimliklari atrof-muhitni muhofaza qilish hamda poytaxt aholisining xavfsizligi va farovonligini ta’minlash ustuvor bo‘lgan barqaror rivojlanish siyosatini izchil ravishda amalga oshirmoqda.