Янгиҳаёт тумани ҳокими бошчилигида ҳар куни туманнинг турли маҳаллаларида ўрганиш ишлари олиб борилмоқда.

📌 Навбатдаги манзил «Дўстлик» маҳалласи бўлди

📍 Эрта тонгдан Янгиҳаёт тумани ҳокими, туман прокурори, туман ИИО ФМБ бошлиғи, туман ҳокими ўринбосарлари, коммунал хизмат кўрсатиш ташкилотлари, бошқарув сервис компаниялари, «маҳалла еттилиги» вакиллари ҳамда барча тегишли идора ва ташкилотлар масъуллари иштирокида ҳудудда саф йиғини бўлиб ўтди.

🖼 Саф йиғини давомида Ўзбекистон Республикаси Мустақиллигининг 35 йиллигини муносиб кутиб олиш ҳамда «Долзарб 40 кунлик» махсус тадбирлари доирасида амалга оширилаётган ишлар самарадорлигини янада ошириш мақсадида маҳаллаларда тозалаш, ободонлаштириш ва кўкаламзорлаштириш ишларини тизимли ҳамда юқори савияда ташкил этиш юзасидан масъулларга аниқ кўрсатмалар берилди.

🏘 Саф йиғинидан сўнг масъуллар иштирокида маҳаллаларда ўрганиш ишлари олиб борилди. Ҳудуддаги ободонлаштириш, санитария ҳолати, кўкаламзорлаштириш, ички йўллар, муҳандислик-коммуникация тармоқлари ҳамда аҳолини қийнаётган долзарб масалалар жойига чиққан ҳолда атрофлича кўздан кечирилди.

✂️ Ўрганишлар давомида аниқланган камчиликларни қисқа муддатларда бартараф этиш бўйича ҳар бир йўналишга масъул ташкилотлар ва мутасаддилар бириктирилди. Белгиланган вазифаларнинг ижроси қатъий назоратга олиниб, камчиликларни тезкор бартараф этиш юзасидан аниқ муддатлар белгиланди.

🌳 Бу каби манзилли ўрганишлар барча маҳаллаларда изчил давом эттирилиб, аҳоли учун қулай ва обод яшаш муҳитини яратиш, Мустақиллик байрамини муносиб кутиб олишга қаратилган ишлар жадаллаштирилади.