Yangihayot tumani hokimi boshchiligida har kuni tumanning turli mahallalarida o‘rganish ishlari olib borilmoqda.

📌 Navbatdagi manzil “Do‘stlik” mahallasi bo‘ldi

📍 Erta tongdan Yangihayot tumani hokimi, tuman prokurori, tuman IIO FMB boshlig‘i, tuman hokimi o‘rinbosarlari, kommunal xizmat ko‘rsatish tashkilotlari, boshqaruv servis kompaniyalari, “mahalla yettiligi” vakillari hamda barcha tegishli idora va tashkilotlar mas’ullari ishtirokida hududda saf yig‘ini bo‘lib o‘tdi.

🖼 Saf yig‘ini davomida O‘zbekiston Respublikasi Mustaqilligining 35 yilligini munosib kutib olish hamda “Dolzarb 40 kunlik” maxsus tadbirlari doirasida amalga oshirilayotgan ishlar samaradorligini yanada oshirish maqsadida mahallalarda tozalash, obodonlashtirish va ko‘kalamzorlashtirish ishlarini tizimli hamda yuqori saviyada tashkil etish yuzasidan mas’ullarga aniq ko‘rsatmalar berildi.

🏘 Saf yig‘inidan so‘ng mas’ullar ishtirokida mahallalarda o‘rganish ishlari olib borildi. Hududdagi obodonlashtirish, sanitariya holati, ko‘kalamzorlashtirish, ichki yo‘llar, muhandislik-kommunikatsiya tarmoqlari hamda aholini qiynayotgan dolzarb masalalar joyiga chiqqan holda atroflicha ko‘zdan kechirildi.

✂️ O‘rganishlar davomida aniqlangan kamchiliklarni qisqa muddatlarda bartaraf etish bo‘yicha har bir yo‘nalishga mas’ul tashkilotlar va mutasaddilar biriktirildi. Belgilangan vazifalarning ijrosi qat’iy nazoratga olinib, kamchiliklarni tezkor bartaraf etish yuzasidan aniq muddatlar belgilandi.

🌳 Bu kabi manzilli o‘rganishlar barcha mahallalarda izchil davom ettirilib, aholi uchun qulay va obod yashash muhitini yaratish, Mustaqillik bayramini munosib kutib olishga qaratilgan ishlar jadallashtiriladi.