Чинор маҳалласида навбатдаги сайёр қабул ўтказилди.

Миробод тумани ҳокими ўринбосари, Оила ва хотин-қизлар бўлими бошлиғи Ф. Мадаминова томонидан Чинор маҳалласида навбатдаги сайёр қабул ташкил этилди.

Сайёр қабул давомида маҳалла хотин-қизлари билан очиқ мулоқот ўтказилиб, уларнинг бандлик, ижтимоий ҳимоя, соғлиқни сақлаш, уй-жой, ҳуқуқий ҳамда бошқа йўналишлардаги мурожаатлари тингланди.

Фуқаролар томонидан кўтарилган ҳар бир масала юзасидан тегишли масъуллар иштирокида ҳуқуқий тушунтиришлар берилиб, уларни ҳал этиш бўйича аниқ чора-тадбирлар белгиланди. Жойида ечим топиш мумкин бўлган мурожаатлар ижобий ҳал этилди, қўшимча ўрганишни талаб этадиган масалалар эса белгиланган тартибда назоратга олиниб, ижрога йўналтирилди.

Хотин-қизларнинг муаммоларини ўз вақтида аниқлаш, уларнинг ижтимоий фаоллигини қўллаб-қувватлаш ҳамда мурожаатлар билан манзилли ишлашга қаратилган бундай сайёр қабуллар Миробод туманида изчил давом эттирилмоқда.