Mirobod tumani hokimi o‘rinbosari, Oila va xotin-qizlar bo‘limi boshlig‘i F. Madaminova tomonidan Chinor mahallasida navbatdagi sayyor qabul tashkil etildi.

Sayyor qabul davomida mahalla xotin-qizlari bilan ochiq muloqot o‘tkazilib, ularning bandlik, ijtimoiy himoya, sog‘liqni saqlash, uy-joy, huquqiy hamda boshqa yo‘nalishlardagi murojaatlari tinglandi.

Fuqarolar tomonidan ko‘tarilgan har bir masala yuzasidan tegishli mas’ullar ishtirokida huquqiy tushuntirishlar berilib, ularni hal etish bo‘yicha aniq chora-tadbirlar belgilandi. Joyida yechim topish mumkin bo‘lgan murojaatlar ijobiy hal etildi, qo‘shimcha o‘rganishni talab etadigan masalalar esa belgilangan tartibda nazoratga olinib, ijroga yo‘naltirildi.

Xotin-qizlarning muammolarini o‘z vaqtida aniqlash, ularning ijtimoiy faolligini qo‘llab-quvvatlash hamda murojaatlar bilan manzilli ishlashga qaratilgan bunday sayyor qabullar Mirobod tumanida izchil davom ettirilmoqda.