Мирзо Улуғбек ҳамда Яккасарой туманларидаги айрим мавзе ва кўчаларни номлаш ва қайта номлаш таклиф этилмоқда.

Географик объектларни номлаш ва қайта номлаш масалалари бўйича Тошкент шаҳар комиссиясига Мирзо Улуғбек ҳамда Яккасарой туманлари ҳокимликларининг туманлар ҳудудидаги айрим мавзе ва кўчаларни номлаш ва қайта номлаш бўйича таклифлари келиб тушган.

Тошкент шаҳар ҳокимлиги, «Географик объектларнинг номлари тўғрисида»ги Ўзбекистон Республикаси Қонунининг 4¹-моддасига мувофиқ, маҳаллий аҳолининг фикрини ўрганиш мақсадида, пойтахт аҳолисини Мирзо Улуғбек ҳамда Яккасарой туманларидаги айрим мавзе ва кўчаларни номлаш ва қайта номлаш юзасидан ўз фикрини https://geonom.tashkent.uz сайтида билдиришга таклиф этади.

Шу билан бирга, аҳоли фикри қуйидаги шаклларда ҳам қабул қилинади:

Оғзаки равишда: +998-71-210-04-13 телефон рақамига (иш кунлари соат 09:00 дан 17:00 гача) мурожаат қилиш орқали;

Ёзма: 100060, Тошкент шаҳар, Чилонзор тумани, Ислом Каримов шоҳкўчаси, 51-уй почта манзилига хат юбориш орқали;

Электрон шаклда: geonom@digitaltashkent.uz электрон почтасига хат юбориш йўли билан.

Маҳаллий аҳоли ўз фикрини жорий йилнинг 25-май кунидан 8-июн кунига қадар билдириши мумкин.