Тошкент шаҳар Коррупцияга қарши курашиш ҳудудий кенгашининг навбатдаги мажлиси бўлиб ўтди. Мазкур йиғилишда Коррупцияга қарши курашиш ҳудудий кенгаши раиси Рустамхон Каланов ҳамда Олий Мажлис Сенати Суд-ҳуқуқ масалалари ва коррупцияга қарши курашиш қўмитаси раиси, сенатор Абдулҳаким Эшмуродов, ҳудудий кенгаш аъзолари ҳамда ОАВ вакиллари иштирок этди.

📊Йиғилиш давомида 2025-йилда коррупцияга қарши курашиш, унинг олдини олиш, очиқликни таъминлаш ва соҳани рақамлаштириш борасида амалга оширилган ишлар юзасидан қуйидаги ташкилотлар мутасаддиларининг ахборот ва ҳисоботлари тингланди: — Тошкент шаҳар «Муниципал активларни бошқариш маркази» ДУК; — Тошкент шаҳар Қурилиш бош бошқармаси; — Тошкент шаҳар Адлия бошқармаси.

➡️Шунингдек, мажлисда мутасадди раҳбарлар томонидан қуйидаги йўналишлар бўйича ҳам маълумотлар тақдим этилди: — одил судлов йўналишида амалга оширилаётган ишлар; — ҳуқуқий тарғибот тадбирлари; — ҳоким ёрдамчилари фаолиятида коррупцион ҳолатларнинг олдини олиш; — рақамлаштириш йўналишида олиб борилаётган ишлар.

📈Мажлис якунида соҳаларда очиқликни янада кучайтириш, коррупцион омилларнинг олдини олиш, тизимли назоратни мустаҳкамлаш ҳамда белгиланган вазифалар ижросини таъминлаш юзасидан тегишли чора-тадбирлар белгилаб олинди.