Toshkent shahar Korrupsiyaga qarshi kurashish hududiy kengashining navbatdagi majlisi bo‘lib o‘tdi (https://t.me/poytaxt_deputatlari/15334). Mazkur yig‘ilishida Korrupsiyaga qarshi kurashish hududiy kengashi raisi Rustamxon Kalanov hamda Oliy Majlisi Senati Sud-huquq masalalari va korrupsiyaga qarshi kurashish qo‘mitasi raisi, senator Abdulxakim Eshmuratov, hududiy kengash a’zolari hamda OAV vakillari ishtirok etdi. 

📊Yig‘ilish davomida 2025-yilda korrupsiyaga qarshi kurashish, uning oldini olish, ochiqlikni ta’minlash va sohani raqamlashtirish borasida amalga oshirilgan ishlar yuzasidan quyidagi tashkilotlar mutasaddilarining axborot va hisobotlari tinglandi:

— Toshkent shahar “Munisipal aktivlarni boshqarish markazi” DUK;

— Toshkent shahar Qurilish bosh boshqarmasi;

— Toshkent shahar Adliya boshqarmasi.

➡️Shuningdek, majlisda mutasaddi rahbarlar tomonidan quyidagi yo‘nalishlar bo‘yicha ham ma’lumotlar taqdim etildi:

— odil sudlov yo‘nalishida amalga oshirilayotgan ishlar;

— huquqiy targ‘ibot tadbirlari;

— hokim yordamchilari faoliyatida korrupsion holatlarning oldini olish;

— raqamlashtirish yo‘nalishida olib borilayotgan ishlar.

📈Majlis yakunida sohalarda ochiqlikni yanada kuchaytirish, korrupsion omillarning oldini olish, tizimli nazoratni mustahkamlash hamda belgilangan vazifalar ijrosini ta’minlash yuzasidan tegishli chora-tadbirlar belgilab olindi.