Toshkent shahrida Ijtimoiy sheriklik komissiyasining navbatdagi yig‘ilishi bo‘lib o‘tdi

14-oktyabr kuni Xalq deputatlari Toshkent shahar Kengashi huzuridagi Ijtimoiy sheriklik komissiyasining navbatdagi yig‘ilishi o‘tkazildi.

▫️Yig‘ilishda nogironligi bo‘lgan shaxslar manfaatlarini himoya qiluvchi jamoat tashkilotlariga ajratilgan davlat subsidiyalaridan maqsadli foydalanish holati, shuningdek, 2026-yilning o‘tgan to‘qqiz oyi davomida amalga oshirilgan ishlar muhokama qilindi.

💬Shu bilan birga, komissiya faoliyati davomida aniqlangan kamchiliklar, ularni bartaraf etish bo‘yicha ko‘rilayotgan choralar yuzasidan fikr almashildi.

✔️Shuningdek, joriy yilning 18–21-noyabr kunlari Toshkent shahrida o‘tkazilishi rejalashtirilgan “Fuqarolik jamiyati haftaligi” doirasidagi tadbirlarga tayyorgarlik masalalari ko‘rib chiqildi.