Yosh siyosatchilar marafoni: g‘oyadan qarorga

15-oktabr kuni O‘zbekiston Respublikasi Prezidenti huzuridagi Davlat siyosati va boshqaruvi akademiyasida “G‘oya ber, fikr bildir, kelajakni birgalikda yarat!” shiori ostida Yosh siyosatchilar marafoni bo‘lib o‘tdi. Unda Toshkent shahar hokimining o‘rinbosari Durdona Raximova ham ishtirok etdi.

Tadbirni Oliy Majlis Qonunchilik palatasi huzuridagi Yoshlar parlamenti Konrad Adenauer jamg‘armasining Markaziy Osiyo bo‘yicha vakolatxonasi, Yevropa Ittifoqi, “Yuksalish” harakati va Akademiya bilan hamkorlikda tashkil etdi.

Marafonda yoshlar liderligi, raqamli siyosat, inson kapitali va iqtisodiy imkoniyatlar, yashil taraqqiyot kabi yo‘nalishlar muhokama qilindi. Ishtirokchilar dolzarb muammolar yuzasidan amaliy taklif va tashabbuslarni ishlab chiqdilar.