Toshkent shahar hokimi o‘rinbosari fuqarolar murojaatlarini tingladi

▫️Joriy yilning 8-sentabr kuni Toshkent shahar hokimining turizm, madaniyat, madaniy meros va ommaviy kommunikatsiyalar masalalari bo‘yicha o‘rinbosari Azizxon Shovkatov tomonidan navbatdagi shaxsiy qabul o‘tkazildi.

✔️Qabul davomida 5 nafar fuqaroning murojaati tinglandi. Ulardan 2 tasi turizm, 3 tasi esa madaniyat sohasiga oid masalalarni qamrab oldi.

Har bir murojaat yuzasidan zarur tushuntirishlar berilib, qo‘shimcha o‘rganishni talab etadigan masalalar bo‘yicha tegishli mutasaddi tashkilotlarga topshiriqlar berildi.

Shaxsiy qabul O‘zbekiston Respublikasi Prezidentining Toshkent shahridagi Xalq qabulxonasida o‘tkazildi.