Bugunn erta tongdan Yangihayot tumani hokimi, Toshkent shahar hokimi o‘rinbosari, tuman prokurori, tuman IIO FMB boshlig‘i, tuman hokimi o‘rinbosari, kommunal xizmat ko‘rsatish tashkilotlari, boshqaruv servis kompaniyalari hamda barcha tegishli idora va tashkilotlar mas’ullari ishtirokida navbatdagi saf yig‘ini bo‘lib o‘tdi

Saf yig‘inida tumandagi, xususan, yog‘och uylar va ularga tutash hududlarda "Dolzarb 40 kunlik" maxsus tadbirlari doirasida amalga oshirilayotgan ishlar samaradorligini yanada oshirish, tozalash, obodonlashtirish va ko‘kalamzorlashtirish ishlarini tizimli tashkil etish hamda barcha mas’ul tashkilotlarning hamkorligini kuchaytirish yuzasidan aniq vazifalar belgilab berildi.

Shundan so‘ng, Yangihayot tumani hokimi hamda Toshkent shahar hokimi o‘rinbosari mahallalar hududlarida o‘rganish ishlarini olib bordi.