Xalq deputatlari Toshkent shahar Kengashining yigirma beshinchi sessiyasi bo‘lib o‘tdi

📈Sessiyada poytaxtning ijtimoiy-iqtisodiy rivoji, aholi murojaatlari bilan ishlash, qonuniylikni ta’minlash hamda shahar infratuzilmasiga oid muhim masalalar ko‘rib chiqildi.

Jumladan, davlat organlari va tashkilotlarida murojaatlar bilan ishlash holati, jinoyatchilikni qisqartirish va korrupsiyaning oldini olish borasida 2026-yilning ikkinchi choragida amalga oshirilgan ishlar yuzasidan axborotlar tinglandi.

📊 Shuningdek, Toshkent shahrining eksport va investitsiya salohiyatini oshirish, hududiy investitsiya dasturlari hamda xorijiy investitsiyalar ishtirokidagi loyihalar ijrosi, turizm salohiyatini rivojlantirish masalalari muhokama qilindi.

📊Bundan tashqari sessiya davomida yer va kadastr munosabatlari, o‘zboshimchalik bilan egallangan yer uchastkalari va ulardagi qurilmalarga bo‘lgan huquqlarni e’tirof etish, yer uchastkalarini davlat va jamoat ehtiyojlari uchun olib qo‘yish jarayonlarini ochiq muhokama qilish masalalari yuzasidan hisobotlar tinglandi va deputatlar tomonidan muhokama qilindi.