Shu maqsadda Toshkent shahar prokurori v.b. A.A. Urmanov, shahar IIBB boshlig‘i R.I. Sultonxo‘jayev hamda Yakkasaroy tumani rahbariyati tumanda yo‘lga qo‘yilgan tungi xizmat faoliyati bilan tanishdi.

O‘rganishlar dastlab tumandagi “Seoul Moon” ko‘ngilochar majmuasida olib borildi. U yerda jamoat tartibini saqlash, fuqarolar xavfsizligini ta’minlash, profilaktika inspektorlari, Milliy gvardiya va boshqa mas’ul xizmatlar o‘rtasidagi hamkorlik, patrul yo‘nalishlarining tashkil etilishi hamda texnik vositalardan foydalanish holati ko‘zdan kechirildi.

Shuningdek, poytaxt miqyosida o‘tkazilayotgan “Sog‘lom va xavfsiz yurt” profilaktik tadbirlari doirasida jinoyatchilik va huquqbuzarliklarning barvaqt oldini olish, kriminogen vaziyatni barqaror saqlash, fuqarolar murojaatlariga tezkor munosabat bildirish hamda 2-sonli IIB hududida tungi xizmat samaradorligini yanada oshirish masalalari muhokama qilindi.

Mas’ul rahbarlarga tungi xizmatni kuchaytirish, aholi gavjum joylarda nazoratni samarali tashkil etish, profilaktik ishlarni manzilli olib borish va xizmatlar o‘rtasidagi hamkorlikni yanada mustahkamlash bo‘yicha tegishli ko‘rsatmalar berildi.