Gap Toshkent Sayilgohi, unga tutash xiyobon, yashil hududlar, piyodalar yo‘laklari va shahar infratuzilmasi unsurlarini o‘z ichiga olgan shahar qismini kompleks rivojlantirish haqida bormoqda.

🔺Toshkent Brodveyi — Sayilgoh ko‘chasi poytaxtning eng taniqli sayrgohlaridan biri bo‘lib, bu yerda tarixan rassomlar, musiqachilar, shahar aholisi va mehmonlari ishtirokida faol ko‘cha hayoti shakllangan. Shu sababli, hududdagi piyodalar oqimining tig‘izligi va uning alohida ahamiyati uni yanada rivojlantirish uchun zamonaviy, barqaror va ehtiyotkorona yechimlarni talab qiladi.

📈Joriy holat tahlili nafaqat piyodalar hududining o‘zini, balki unga tutash joylarni ham — xiyobon, yashil maydonlar, o‘tish yo‘laklari, yoritish, irrigatsiya, xavfsizlik va tashqi qiyofani bosqichma-bosqich, kompleks yangilash zarurligini ko‘rsatdi.

🔴Loyiha Yagona dizayn-kod va hududni kompleks rivojlantirish tamoyillariga asoslangan. Tayyorgarlik jarayonida aholi va professional hamjamiyat takliflari o‘rganib chiqiladi.

🎲Shuni alohida ta’kidlash joizki, hudud ochiq shahar muhiti xususiyatini saqlab qoladi. Ko‘cha rassomlari va ijodiy jamoatchilik vakillari ushbu makonning bir qismi bo‘lib qolaveradi. Loyihaning vazifasi jonli shahar faolligini yo‘qotish emas, balki uni tartibga solish, muhitni qulay, hammabop va xavfsiz qilishdir.

🧑‍💻Bugungi kunda hudud yangilanishga muhtoj: ayrim joylarda qoplamalar yaroqsiz holga kelgan, piyodalar yo‘nalishlari har doim ham qulay emas, to‘siqsiz muhitni rivojlantirish, obodonlashtirish unsurlarini yangilash, konstruksiyalar, tashqi ko‘rinish va ayrim faoliyat turlarini sanitariya, savdo va shaharsozlik talablariga muvofiq tartibga keltirish zarur.

📝Loyiha doirasida quyidagilar ko‘zda tutilgan:

— yo‘l va piyodalar yo‘laklari qoplamasini yangilash;

— piyodalar yo‘nalishlari va o‘tish yo‘llarini yaxshilash;

— to‘siqsiz muhit yaratish;

— Brodvey, xiyobon va ularga tutash hududlarni obodonlashtirish;

— yoritish tizimini modernizatsiya qilish;

— ko‘kalamzorlashtirish va irrigatsiya tizimini rivojlantirish;

— o‘rindiqlar, chiqindi qutilari, yoritish uskunalari va boshqa kichik me’moriy shakllarni o‘rnatish;

— favvoralarni rekonstruksiya qilish;

— peshlavha va reklamalarni Yagona dizayn-kod talablariga muvofiq tartibga solish;

— noqonuniy va tartibsiz qurilmalarni demontaj qilish;

— savdo faoliyatini belgilangan me’yorlarga moslashtirish;

— jamoat joylarida videokuzatuv va monitoring tizimlarini joriy etish.

🟡Mavjud daraxtlar ko‘rikdan o‘tkazilmoqda va soha mutaxassislari nazorati ostidadir. Shuningdek, 1000 tupdan kam bo‘lmagan daraxt, buta va manzarali o‘simliklar kabi yangi ko‘chatlarni ekish rejalashtirilgan.

🏆Loyihaning asosiy maqsadi — ushbu hududning jonli muhiti va o‘ziga xos qiyofasini saqlab qolgan holda, uni poytaxt aholisi va mehmonlari uchun yanada qulay, yashil, xavfsiz va zamonaviy makonga aylantirishdir.