Ayni vaqtda “Toshkent viloyati — biznes uchun cheksiz imkoniyatlar hududi” forumi o‘z ishini boshladi

Toshkent viloyati va Toshkent shahar hokimliklari hamda Savdo-sanoat palatasi hamkorligida tashkil etilgan forum ikki kun davomida tadbirkorlar va investorlar uchun keng ko‘lamli imkoniyatlarni taqdim etishi kutilmoqda. 

Forumda O‘zbekiston Respublikasi Prezidentining maslahatchisi G‘ofurjon Mirzayev, Toshkent viloyati hokimi Zoyir Mirzayev, Toshkent shahar hokimi Shavkat Umurzakov, Savdo-sanoat palatasi raisi Davron Vahobov hamda tuman hokimlari ishtirok etishmoqda. 

Forumda ishtirok etayotgan tadbirkorlar Toshkent viloyatida biznes yuritish uchun mavjud bo‘sh yer maydonlari, 71 ta sanoat zonalari, 50 dan ortiq davlat aktivlari va transport-logistika infratuzilmasi haqida batafsil ma’lumot olishmoqda.