Olmazor tumanida qayta qurish va ta’mirlash holati o‘rganildi

Bugun Toshkent shahar hokimi Shavkat Umurzakov rahbarligidagi ishchi guruh Olmazor tumanida bo’lib, Farobiy va Qo‘rg‘ontepa ko‘chalarida olib borilayotgan keng ko‘lamli qayta qurish va ta’mirlash ishlari jarayoni bilan tanishdi.

Milliy o‘ziga xoslik va zamonaviy yo‘nalishlarni uyg‘unlashtirgan infratuzilma shakllantirilgan Chig‘atoy mahallasi va shu nomdagi bozor hududiga alohida e’tibor qaratildi.

Amalga oshirilgan o‘zgarishlar natijasida transport va piyodalar infratuzilmasi sezilarli darajada yaxshilandi, yashil maydonlar kengaytirildi, shuningdek, tuman aholisi va tadbirkorlar uchun qulay va shinam sharoitlar yaratildi.