1-oktyabr — O‘qituvchi va murabbiylar kuni munosabati bilan bayram tadbiri o'tkazildi

Poytaxtimizning muhtasham Xalqlar do‘stligi san’at saroyida Toshkent shahar hokimligi tashabbusi bilan O‘qituvchi va murabbiylar kuniga bag‘ishlangan tantanali bayram tadbiri hamda konsert dasturi bo‘lib o‘tdi.

Tadbirga poytaxtimizdagi  o‘qituvchi-pedagoglar taklif etilib, ularga yuksak hurmat va ehtirom ko‘rsatildi.

Bayram konsertida el ardog‘idagi san’atkorlar —  Farruh Zokirov, Ziyoda, Hulkar Abdullayeva, "Sahar" guruhi, "Sitora" guruhi, Rayhon, Bahrom Nazarov, To'lqin Jabborov, Avaz Oxun va boshqa ijodkorlar o‘zlarining sevimli kuy-qo‘shiqlari bilan ustozlarga ko‘tarinki kayfiyat ulashdilar.

Marosim davomida sohada fidoyilik ko‘rsatgan bir guruh o‘qituvchi va murabbiylar  taqdirlandi, ularga Oliy ta'lim, fan va innovatsiyalar vaziri Qo'ng'irotboy Sharipov, Toshkent shahar hokimi o'rinbosarlari Durdona Rahimova hamda Shahnoza Sultanovalar tomonidan esdalik sovg'alari topshirildi.