“Yangi O‘zbekiston Olimpiya cho‘qqilari” sport musobaqasining Toshkent shahar bosqichi g'oliblari taqdirlandi!

Prezidentimizning tashabbuslari asosida tashkil etilgan va milliy terma jamoa uchun iqtidorli sportchilar zaxirasini kengaytirishga qaratilgan “Yangi O‘zbekiston Olimpiya cho‘qqilari” sport musobaqalarining Toshkent shahar bosqichi g‘oliblarini tantanali taqdirlash marosimi bo'lib o'tdi. 

Marosimda Milliy Olimpiya qo‘mitasi raisining birinchi o‘rinbosari Otabek Umarov, Sport vaziri Adxam Ikramov hamda Toshkent shahar hokimi Shavkat Umurzakov ishtirok etib, g‘olib sportchilarga medallar va sovg‘alarni topshirdilar.

G‘oliblikni qo‘lga kiritgan sportchilar Olimpiya shaharchasida o‘tkaziladigan respublika boshqichida ishtirok etadilar. Musobaqa g‘oliblari uy, avtomobil kabi qimmatbaho sovg‘alar bilan taqdirlanishi ko‘zda tutilgan.

Sportchilarimizning yuksak marralarni zabt etishi yo‘lida yaratilayotgan imkoniyatlar – Yangi O‘zbekistonning sport sohasida ham jahon miqyosida o'z o'rnini mustahkamlashga xizmat qiladi!