Ta'lim fidoyilari mukofotlandi

Prezidentimiz Farmoniga asosan, ta’lim-tarbiya sohasida mehnat qilayotgan bir guruh ustozlar va ta’lim fidoyilari davlat mukofotlari bilan taqdirlandi.

Kuni kecha Toshkent shahar hokimligida o‘tkazilgan tantanali marosimda mukofotlarni Toshkent shahar hokimi Shavkat Umurzakov o'z egalariga topshirdi.

Poytaxt hokimi o'z nutqida Prezidentimiz Shavkat Mirziyoyev rahbarligidagi bugungi yangilanishlar, xususan, ta'lim tizimidagi islohotlarda shaxsan ishtirok etayotganidan faxrlanishini qayd etib, ustozlarning mashaqqatli mehnati, yoshlarni ilm va hunarga yo‘naltirishdagi sa’y-harakatlari, shuningdek, Vatanimiz taraqqiyotiga qo‘shayotgan beqiyos hissasini e’tirof etdi.

Ustozlarimizning fidoyiligi va mehnati qadrlanayotgani — bu nafaqat ularning shaxsiy yutuqlari, balki butun ta’lim tizimining yuksalishiga bo‘lgan e’tibor ifodasidir.