Тошкентда реновация дастури иштирокчилари янги хонадонларга кўчиб ўтмоқда

👍 Тошкентда реновация дастури доирасида дастлабки оилалар янги ва замонавий хонадонларга кўчиб ўтмоқда. Жумладан, Фурқат боғи яқинидаги Абдулла Авлоний маҳалласида истиқомат қилган оилалар Сергели туманидаги «Янги Ўзбекистон» массивидан янги уй-жойлар билан таъминланмоқда.

🏠Дастурнинг дастлабки босқичида Сергели, Яшнобод ва Миробод туманларидаги 60–70 йил аввал қурилган, эскирган ва авария ҳолатига келган турар жойларни ҳам қамраб олиш кўзда тутилган.

▫️Реновация фақат эски уйларни янгиларига алмаштириш билан чекланмайди. Дастур доирасида янги турар жойлар билан бир қаторда мактаблар, тиббиёт муассасалари ва яшил ҳудудлар барпо этилиши режалаштирилган.

🏙 Асосий мақсад — аҳолини замонавий ва шинам хонадонлар билан таъминлаш, зарур инфратузилмага эга, хавфсиз ва қулай яшаш муҳитини шакллантириш.

Реновация дастури юзасидан саволларингиз бўлса, қуйидаги телефон рақамлари орқали мурожаат қилишингиз мумкин:

✈️ +998 90 976 05 06