Халқ депутатлари Тошкент шаҳар Кенгашининг йигирма еттинчи сессияси бўлиб ўтди

Халқ депутатлари Тошкент шаҳар Кенгашининг йигирма еттинчи сессиясида пойтахтнинг ижтимоий-иқтисодий ривожи, шаҳар инфратузилмаси, жамоат транспорти, бандлик, инвестициялар ҳамда аҳоли манфаатларига дахлдор қатор муҳим масалалар кўриб чиқилди.

Сессия кун тартибидан қуйидаги масалалар ўрин олди:
— қўшимча захира ва имкониятларни сафарбар этиш бўйича ишлаб чиқилган «йўл хариталари»ни тасдиқлаш;
— жамоат транспортида йўлкира ҳақи тарифини белгилаш масаласини муҳокама қилиш;
— «Манфаатлар тўқнашуви тўғрисида»ги Қонун ижроси таъминланиши ҳолати;
— ташқи реклама ва ахборот объектларини ўрнатиш лойиҳаларини кўриб чиқиш;
— айрим аҳоли пунктларининг таркибий қисмларини номлаш ва қайта номлаш;
— давлат-хусусий шериклик лойиҳаларининг манзилли рўйхатини тасдиқлаш;
— давлат дастурлари доирасида кредит ажратилиши, улардан самарали ва мақсадли фойдаланиш ҳамда лойиҳаларнинг ишга туширилиши ҳолати;
— импортни оптималлаштириш, маҳаллий ишлаб чиқаришни рағбатлантириш;
— халқаро молия институтлари ва ташкилотлари иштирокидаги инвестиция лойиҳаларини кўриб чиқиш;
— касбий таълим тизимида амалга оширилган ишлар;
— Тошкент шаҳрида ишсизлик ва бандлик, хусусан, жазони ижро этиш муассасаларидан қайтган шахсларнинг бандлигини таъминлаш ҳолати;
— ўзбошимчалик билан эгаллаб олинган ер участкаси ҳамда уларда қурилган бино ва иншоотларга бўлган ҳуқуқларни эътироф этиш.

✔️Кун тартибидаги масалалар юзасидан тегишли ахборот ва ҳисоботлар тингланиб, депутатлар томонидан муҳокама қилинди.

▫️Муҳокамалар давомида соҳаларда мавжуд муаммо ва камчиликлар юзасидан фикр-мулоҳазалар билдирилди, уларни бартараф этиш ҳамда тегишли йўналишлардаги ишлар самарадорлигини ошириш масалаларига эътибор қаратилди.