Коррупцияга қарши курашиш — самарали бошқарувнинг муҳим шарти

Бугун Учтепа тумани ҳокимлигида Тошкент шаҳар ҳокимининг комплаенс ва коррупцияга қарши ички назорат бўйича ўринбосари М. Мирхамидов ҳамда Учтепа тумани ҳокими Б. Мамаджанов иштирокида ҳокимлик ходимлари билан очиқ мулоқот ўтказилди.

▫️Учрашувда коррупциянинг олдини олиш, манфаатлар тўқнашувига йўл қўймаслик, давлат органлари фаолиятида очиқлик ва шаффофликни кучайтириш, шунингдек, хизмат фаолиятида қонунийлик ва одоб-ахлоқ меъёрларига қатъий риоя этиш масалалари муҳокама қилинди.

🟢Шунингдек, комплаенс ва коррупцияга қарши ички назорат тизимининг асосий вазифалари, фаолият йўналишлари ҳамда ходимларнинг мазкур жараёнлардаги шахсий масъулияти юзасидан батафсил тушунтиришлар берилди.

✔️Ҳар бир ходимнинг хизмат вазифаларини ҳалол ва виждонан бажариши, қарорлар қабул қилишда қонунийлик, холислик ва масъулият тамойилларига амал қилиши муҳим экани алоҳида таъкидланди.

Коррупцияга нисбатан муросасиз муносабат, очиқлик ва ҳалоллик — самарали ва ишончли давлат бошқарувининг муҳим мезонидир.